MESO Center organizoi për të tretën herë radhazi udhëtimin e shumëpritur në Stamboll, me një grup prej 50 vetash, kryesisht vajza të reja të shkollave 9-vjeçare, të mesme, si edhe studente universiteti.
Programi i këtij ekskursioni veror çlodhës, njëkohësisht me qëllim edukativ dhe njohës, ishte i ngjeshur me vizita në muzetë, monumentet, objektet historike dhe pikat turistike më të famshme dhe më të rëndësishme të kryeqytetit botëror të turizmit.
Jo vetëm kaq, por vajzat patën rastin të shikonin nga afër edhe Universitetin e Stambollit, duke u interesuar për fushat e studimit dhe kushtet, që ofron ky universitet prestigjioz i Turqisë.
Sigurisht, vizita në Stamboll nuk ka kuptim pa një shëtitje me anije në ngushticën e Bosforit, që ndan dy kontinente, Evropën dhe Azinë. Gjatë 2 orëve të këtij lundrimi magjepsës, grupi shijoi bukuritë në dy brigjet kontinentale, të shoqëruar me çajin tradicional turk.
MESO Center vazhdon me aktivitetet e saj mbresëlënëse në çdo sezon, duke bërë që çdo fëmijë dhe nxënës i saj, të ndihet me fat që është pjesë e këtij organizimi.
Per me teper, na ndiqni ne facebook: https://www.facebook.com/mesocenter.al
Instagram: https://www.instagram.com/mesocenter.al/
